Жоғары хоккей лигасы тұрақты чемпионатының кезекті турында өз айдынында «Саров» командасын қабылдаған өскемендік «Торпедо» ірі есеппен жеңіске жетті, деп хабарлайды Алтайньюс тілшісі.

Бұл матчта «Торпедо» сапында қорғаушы Андрей Виноградов пен шабуылшылар Кирилл Полозов, Талғат Жайлауов, Никита Куракин (дубль) және Аркадий Шестаков көзге түскенін айта кеткен жөн. Қорытынды есеп 6:1 өскемендік команда пайдасына.

Осы жеңісінің арқасында 18 ұпайға ие болған өскемендік ұжым әзірге турнир кестесінің 17-ші сатысында орналасуда.

Ертең жерлестеріміз өз айдынында «Тамбов» хоккейшілерімен шеберлік байқаспақ. Бұл ойын кешкі сағат 18:30-да басталады.