– Интернет алаяқтардың қақпанына көбіне егде жастағы адамдар мен оң-солын әлі танымаған жастар түсіп қалып жатады. Алаяқтар қарт адамдарға қоңырау шалып, өзін полиция қызметкері ретінде таныстырады. Сөйтіп ол адамның туысы қиын жағдайға тап болғанын айтып, оған көмектесу үшін қомақты қаржы сұрайды. Жайсыз хабарды естіп, есі шыққан қариялар олардың сөзіне сеніп, қолындағы ақшасынан айырылып қалады. Ал жастарға жалақысы жоғары жұмыс ұсынып, жаңағы алданған қариялардың ақшасын келісілген жерден алып кетуді тапсырады. Жастар қылмыстық іске барғанын құқық қорғау қызметкерлерінің құрығына түскенде ғана біледі, - дейді полиция майоры Айзат Рыспаева.