Үкімет отырысында Цифрлық даму, инновациялар және аэроғарыш өнеркәсібі министрі Жаслан Мәдиев республикалық маңызы бар автомобиль жолдарын 100% интернетпен қамту 2027 жылға қарай жүзеге асырылатынын мәлімдеді, деп хабарлайды  Altainews.kz тілшісі Үкіметке сілтеме жасап.

Министрдің айтуынша, 2024 жылы автожолдарды зерттеу және егжей-тегжейлі талдау жұмыстары аяқталды. Бұл зерттеу барысында дыбыс деңгейін өлшеу және интернетсіз учаскелерді анықтау жұмыстары жүргізілген. Нәтижесінде, қосымша антенна-діңгек құрылыстарын орнату қажет болатын 243 нүкте анықталды.

Сонымен қатар, қазіргі уақытта 104 станса құрылысы бойынша сараптаманың оң қорытындысы алынды. Бұл жұмыстар республикалық жолдар бойындағы интернет байланысын күшейтуге және пайдаланушыларға қолжетімділік сапасын арттыруға бағытталған.

Жоспарланған шаралар елдегі цифрлық инфрақұрылымды дамытуға, жол бойындағы қауіпсіздікті арттыруға және жолаушылардың ыңғайлылығын қамтамасыз етуге үлкен үлес қосады.