Өскемендегі Самал саябағына роллердром салынады, деп хабарлайды Алтайньюс тілшісі.

Бұл туралы қалалық жастар ресурстық орталығының директоры Ринат Ахмеджанов айтып берді. Естеріңізде болса, облыс әкімі Даниал Ахметов бұл аумақты тек демалыс орны емес, спорттық белсенділік орталығына айналдыру керектігін айтқан болатын.

– Қазір саябақта мұз айдыны мен сырғанақ бар. Сондайқа ойын алаңдары мен веложолдар жасадық. Ал Роллердромның құрылысына көктемде кірісеміз. Ол жерде тақталармен сырғанауға және арнайы велосипедтерді тебуге болады. Нысанның төбесі ашық болады деп жоспарлануда. Бұдан өзге де ерекшеліктерді ескеретін боламыз, – дейді Р.Ахметжанов.