4 шілде күні Шемонайха қаласында республика көлемінде жүзеге асырылып жатқан «Таза Қазақстан» бағдарламасы аясында «Таза жағалау!» атты экологиялық акция ұйымдастырылды, деп хабарлайды Altainews.kz тілшісі.

Акцияға қала тұрғындары, жастар ұйымдары мен еріктілер белсене қатысып, Үбі өзенінің жағалауын қоқыстан тазартты. Шараның басты мақсаты – қоршаған ортаны қорғауға назар аудару және халық арасында экологиялық мәдениетті қалыптастыру.

«Таза жағалау – өзіңнен басталады!» ұранымен өткен акция барысында қатысушылар табиғатқа деген жеке жауапкершіліктің маңызын атап өтті. Бір ғана жиналған қоқыс қалтасы – жасыл болашақ пен таза елге қадам екенін еске салды.

Ұйымдастырушылар мұндай бастамалардың аумақты көгалдандырумен қатар, азаматтық белсенділікті арттыруға да септігі мол екенін атап өтті.