«Қазгидромет» ШҚ филиалының мәліметінше, 12 қазанға қараған түні Шығыс Қазақстан облысының солтүстігі мен шығысында, ал күндіз батысы, солтүстігі және шығысында тұман мен көктайғақ күтіледі, деп хабарлайды Altainews.kz тілшісі.

Шығыстан соққан жел солтүстік-батысқа ауысып, күндіз облыстың солтүстігінде екпіні 15–20 м/с жетеді.

Төтенше жағдайлардың алдын алу мақсатында тұрғындарға сақтық шараларын сақтау ескертіледі:

• Көлік жүргізушілері жылдамдық режимін сақтап, барынша мұқият болуы қажет;
• Жаяу жүргіншілер көктайғақта жарақат алу қаупін азайту үшін абай болғаны жөн;
• Күшті жел кезінде электр сымдары мен тербелмелі заттарға жақындамаңыз, аялдамалар мен ағаштардың астында тұрмаңыз.

Төтенше жағдай туындаған жағдайда «112» бірыңғай құтқару қызметіне хабарласыңыз.