Жасанды интеллект мемлекеттік сатып алуларда 781 млрд теңге үнемдеуге мүмкіндік берді — Қаржы министрлігі
depositphotos.com
Қаржы министрі Мәди Такиев Үкімет отырысында мемлекеттік сатып алулар саласында отандық өндірушілерді қолдау және тиімділікті арттыру бағытында атқарылып жатқан жұмыстар туралы баяндады, деп хабарлайды Altainews.kz тілшісі.
Министрдің айтуынша, биыл елімізде «Мемлекеттік сатып алу туралы» жаңа заң күшіне енді. Оның басты мақсаты — бұрын ұзақ уақыт алатын сатып алу рәсімдерін оңтайландыру және жергілікті тауар өндірушілердің үлесін арттыру.
«Қазіргі таңда рәсімдердің мерзімі барынша қысқартылды. Сонымен қатар, отандық тауар өндірушілерді қолдауға бағытталған бірқатар жаңа ережелер енгізілді. Соның нәтижесінде биылғы тоғыз айдың қорытындысы бойынша өткен жылмен салыстырғанда жасалған шарттардың жалпы сомасы мен отандық өндірушілерден сатып алу көлемі екі есеге артты. Шарттар саны 28%-ға, оның ішінде отандық өндірушілермен жасалған келісімдер 30%-ға көбейді. Ал шағымдар саны 25%-ға азайды», — деді Мәди Такиев.
Министрдің мәліметінше, мемлекеттік сатып алулар жүйесіне жасанды интеллект элементтері енгізілген. Бұл жаңашылдықтың арқасында 781 млрд теңге көлемінде қаражат үнемделген.
Оқи отырыңыз
Мемлекеттік сатып алу: келісімшарттардың көлемі 5 трлн теңгеге ұлғайғанМемлекеттік сатып алулар арқылы отандық өндірушілерді қолдау: Қазақстанның химия саласы үшін оң нәтижелерМемлекеттік сатып алуларға отандық тас өндірушілер ғана қатысадыҚазақстанда мемлекеттік сатып алу мерзімі қысқартылды "Тұтас астыртын бизнестер пайда болды" - Бектенов мемлекеттік сатып алулар туралы
