2025 жылғы 1 қаңтардан бастап Қазақстанда мемлекеттік сатып алу мерзімі бірнеше есе қысқарды, деп хабарлайды Үкіметтің баспасөз қызметі. Бұл өзгерістер "Мемлекеттік сатып алу туралы" жаңа заң аясында енгізілген, - деп хабарлайды Altainews.kz тілшісі Үкіметке сілтеме жасап.  

Жаңа ережелер мемлекеттік сатып алу процесін жеделдетуге бағытталған. Атап айтқанда:  

• Конкурс тәсілімен өткізілетін сатып алу құжаттамасын талқылау уақыты 5 күннен 2 жұмыс күніне дейін қысқарды.  
• Өтінімдерді қабылдау мерзімі 15 күннен 5 жұмыс күніне дейін азайтылды.  
• Өтінімдерді қарау және қорытындылау уақыты 10 күннен 3 жұмыс күніне дейін қысқартылды.  

Нәтижесінде: конкурстар мен аукциондар бойынша жеңімпаз 10 жұмыс күні ішінде анықталатын болады.  

Жаңа жүйе мемлекеттік сатып алуды ашық, жылдам және тиімді етуге мүмкіндік береді.