Өмір үшін күрес: ШҚО дәрігерлері үш жасар баланың көкбауырын сақтап қалды
Өмір мен өлімнің арпалысы кейде санаулы минуттармен өлшенеді. Шығыс Қазақстан облыстық Ана мен бала орталығының дәрігерлері осындай сын сағатта үш жасар баланың өмірі үшін күресіп, оны ажал аузынан аман алып қалды, деп хабарлайды Altainews.kz.
Бала ішінен ауыр соққы алып, көкбауыры жарылған. Бұл — адам өміріне тікелей қауіп төндіретін, шұғыл медициналық көмекті қажет ететін ауыр жарақат. Мұндай жағдайларда бұрын көкбауырды алып тастау — яғни спленэктомия жасау — дәрігерлер үшін жалғыз жол саналатын. Алайда бүгінгі медицина қарыштап дамыды, заманауи технологиялар мен білікті мамандардың арқасында енді ағзаны сақтап қалуға мүмкіндік бар.
— Хирургтер мен анестезиологтардың кәсіби шеберлігі мен жылдам шешім қабылдауының арқасында ота сәтті өтті. Науқастың жағдайы тұрақты, асқынудың алдын алдық. Қазір бүлдіршін дәрігерлердің жіті бақылауында, біртіндеп сауығып келеді. Біз өз ісіне адалдық пен адамгершілікті серік еткен дәрігерлерімізді мақтан тұтамыз, — дейді Ана мен бала орталығының өкілдері.
Айна Бакимбаева
Оқи отырыңыз
Онкохирургтер науқастың аяғын сақтап қалды – ШҚОШығыс Қазақстандық дәрігерлер патологиясы бар әйелдің сәби сүю мүмкіндігін сақтап қалдыДәрігерлер денесінің 70 пайызын күйік шалған жүкті әйелді аман алып қалды – ШҚОӨңірдің дәрігерлері: заманауи әдістермен жаңа өмір сыйлаудаШығыс Қазақстанда үшем дүниеге келді
