Әлеуметтік желі - қай саланың болмасын, ажырамас бөлігі әрі азаматтарға дереу ақпарат беріп, кері байланыс жасайтын кеңістік.
Аталмыш рейтинг Шығыс Қазақстан облысындағы әкімдер мен жергілікті тұрғындар арасындағы байланыстың қаншалықты тығыз екенін көрсетеді.
Айтып өтейік, рейтинг қала және аудан әкімдерінің және олардың баспасөз қызметінің онлайн-белсенділігінің жұмысы.
Ал енді рейтинг нәтижесі қалай жасалады? Мәселен, әр аптаның жұма күні әр аккаунттың жарияланымына, кері байланыс пен аудиториямен жұмыс істеуіне жеке-жеке балл қойылады. Осылайша апталық қорытынды айға ұласып, нәтиже шығады.
Қазан айының көшбасшысы болып тағы да Катонқарағай ауданының әкімі Ділдар Қалиқан танылды. Өткен айда да лидерлер қатарынан көрінген әкім бұл жолы жұмыс нәтижесін екі есеге өсірген. Дегенмен әлеуметтік желіде «бос» комментарийлер көп. Ол дегеніміз – құр смайлик пен екі ауыз мадақ сөздер.

Екінші орында Зайсан ауданының әкімі Серік Зайнулдин тұр. Бұл әкімнің аккаунтында мақтау, мадақтау сөздерін жазатындар - сол әкімдіктің айналасындағы әлеуметтік желі қолданушылар. Мәселен, кітапханашылар, мұғалімдер, бюждеттік және сол әкімдіктің қызметкердері мен туыстары.
Абай ауданының әкімі Нұржан Әбдікарімов 3980,7 баллмен 3-ші орынды алып отыр. Бұл аудандағы әкімдік пен әкімнің аккаунтынан түсініксіз суреттерді көруге болады. Мәселен, ешқандай түсініктемесіз суреттерді байқайсыз. Алдыңғы қатысушылардан қарағанда комментарий саны аз, оның үстіне барлығы позитивті жазылған. Комментарийлердің иесі келесі жарияланымдарға да дәл сондай сарында жазба қалдырады.

4-ші орында - Глубокое ауданының әкімі Тамара Рахымжанова. Дегенмен Instagram аккаунтында тұрғындардың сауалына жауап беріп, кері байланыс орнататын әкімдердің бірі екенін айтып өтейік.
5-ші орында - Алтай ауданының әкімі Қалиқан Байғонысов. Аталған әкімнің әлеуметтік желілерінде жарияланымдар көп, дегенмен тұрғындармен кері байланыс мүлде жоқ десе де болады.
Көкпекті ауданын басқаратын Раджан Сейтқанов бұл жолы рейтингтің 6-шы орынында. Қазан айы бойы әкімнің Facebook парақшасында небары 3-ақ пост бар. Ал Instagram акааунтында жарияланған постар саны көп. Дегенмен арасын суытпай бірінен кейін бірін салып отырады. Бұл көрілім жағынан кері әсерін береді.
Риддер әкімі Дмитрий Горьковый 7-ші орынға шықты. Жарияланымдар қайталана береді әрі сапасы да көңіл көншітпейді.
8-ші орында - Семей қаласының әкімі Бақытжан Байахметов. Бұл әкімнің парақшасында посттар саны аз болса да, комментарий саны көп және бның басым көпшілігі негатив сарында жазылған. Ал оларға жазылған жауап жоқ.
Мұндай жағдай Өскемен әкімі Жақсылық Омардың парақшасында да бар. Осылайша республикада алғашқы болып көрініп жүрген Жақсылық Омар ШҚО-дағы әкімдер арасында 9-шы орынға бірақ түсті.
10-шы орында - Үржар ауданының әкімі Нұржан Тоқсейітов. Бұл әкімнің аккаунтында алғыс айтылған жазбалар көп. Бұрын әлеуметтік желіні белсенді қолдананып, көш бастайтын әкім, соңғы кездері ортасынан түспей жүр.
11-ші орында Жарма ауданының әкімі Ахметқали Нұрғожин. Нәтижесі орта деңгейден төмен. Парақшасында жергілікті жаңалық пен мәселеден гөрі, республикалың маңызы бар ақпараттар басым. Тіпті, тұрғындар шағымына да жауап қатпайды.
12-ші орында Бородулиха ауданының әкімі Кинигул Бичуинов. Әкім мен әкімдіктің парақшасында оқырмандар саны аз. Нәтижесінде комментарий мен лүпіл саны да аз.

13-ш орында Бесқарағай ауданының әкімі Жарқынбек Байсабыров, 14-ші орында Ұлан ауданының әкімі Ренат Құрманбаев, 15-ші орында Курчатов әкімі Алексей Глазинский, 16-шы орында Аягөз ауданының әкімі Сейілбек Ысқақов, 17-ші орында Тарбағатай ауданының әкімі Асхат Смаилов және 18-ші орында Шемонаиха ауданының әкімі Григорий Акулов.
Ал 19 әкімнің ішінде ең соңғы орында – Күршім ауданының әкімі Дулат Қажанов тұр. Оның нәтижесі көшбасшылардан 100 есе төмен. Әкімнің және әкімдіктің парақшаларында белсенділік жоқ. Кім үшін және қалай жұмыс жүргізіліп жатқаны белгісіз.
Айта кетейік, жылдың бітуіне небары 2 ай уақыт қалды. Жыл соңында әкімдердің жылдық рейтингісі тағы шығады. Сондықтан ол уақытқа дейін әкімдер өз парақшаларын ретке келтіріп, халықтың әл-ауқаты, шағымы үшін жұмыс істейді деп үміттенеміз.