Өскеменде өткен жылдан бері қасбеті құлаған Бауыржан Момышұлы 14-үйдің шуы әлі басылған жоқ.

Алғашқысы шу желтоқсан айында, екіншісі биыл сәуірдің соңына қарай болған. Тұрғындардың пікірінше, сайдингтің құлауы, тасмақтанының үгітілуі проблемалардың бір бөлігі ғана.

Тұрғындар үйді салған құрылысшы компаниялар – «Күршім Құрылыс» ЖШС және «Құрылыс Гарант» ЖШС құрылыс материалдарын барынша үнемдегенін айтады. Ол шамамен 100 млн теңгеге жуық.

- Бақылау жоқ, біз пайдалануға беру туралы актіні көрсетуді талап етсек, оны көрсетпейді, ешқандай авторлық қадағалау болмаған. Үйді жөндеуге қатысты мәселеге келгенде бізге тек сырғытпа жауаптар келеді, - дейді үй тұрғыны Бақытбек Амренов.

Заңға сәйкес, құрылыс жүргізген компания үйді пайдалану кезінде туындаған мәселелерді жоюға міндетті. Алайда жоғарыда аты аталған екі бірдей компания банкрот деп танылып, үй «Қазақстан тұрғын үй компаниясы» АҚ-ға берілген.

Енді міне бір жыл дегенде компания өкілдері пәтер иелерімен кездесті. Жиынға үйді тексеріп, ақауларды анықтайтын аудиторлар да келді.

- Қазір біз «Қазақстан тұрғын үй компаниясы» АҚ-мен келісімшарттқа отырып, ғимаратқа ақауларына зерттеу жүргіземіз, содан кейін смета және акт жасаймыз, - деді «КазТехЭкспертиза» ЖШС директоры Мұратбек Рахымбаев.

Бір апта ішінде аудиторлар құжаттаманы дайындауға уәде берді. Содан кейін «Қазақстан тұрғын үй компаниясы» АҚ кемшіліктерді жоюға кіріседі.

-  Байқаудың уақыты заңмен реттеледі, 30 маусымда біз аудитті аяқтаймыз, шамамен 20 шілдеде мердігерді анықтау үшін келесі тендерді өткіземіз және 15-20 қыркүйекке дейін құрылыс-монтаждау жұмыстарын аяқтаймыз, - деп түсіндірді «Қазақстан тұрғын үй компаниясы» АҚ директорының орынбасары Алмас Шабдарбаев.

Сайт редакциясы алдағы уақытта да Бауыржан Момышұлы 14 мекенжайы бойынша мәселелерді қадағалап, ақпарат беріп отырады.