Бүгінгі таңда Өскеменде коммерциялық 38 көпқабатты тұрғын үй кешенінің құрылысы жүріп жатыр, оның 25-інде тексеріс жүргізілді.

Оның қорытындысы бойынша 22 құрылыс мекемесі әкімшілік жауапқа тартылды, деп хабарлайды Altaynews.kz тілшісі.

Бұл туралы ШҚО Мемлекеттік сәулет-құрылыс бақылау басқармасы басшысының орынбасары Нұржан Нұрланұлы Аймақтық коммуникациялар қызметінде өткенде брифингіде айтты.

«Stroi Invest Capital» ЖШС, «Бирюза Примера» ЖШС, «Royal Finance Group» ЖШС сынды 3 құрылыс мекемесіне қатысты ҚР ӘҚБтК-нің 320-бабы бойынша әкімшілік іс қозғалған. Жауапқа тарту үшін материалдарды Өскемен қаласының әкімшілік құқық бұзушылық жөніндегі мамандандырылған сотына жолдаған.

Құрылысы жүріп жатқан нысандар туралы ақпаратты Өскемен қаласы К.Либкнехт көшесі, 19, 2-қабат мекенжайынан алуға болады. Кеңес алу үшін 8 -7232-40-11-27, 40-11-32 нөміріне хабарласуға болады.