Бүгінде облыс орталығынан оңтүстік астанаға дейінгі жол 26 сағаттан астам уақытты алып, жолаушылар үшін қолайсыздық туғызып отыр.

Шығыс Қазақстан облыстық мәслихатының депутаты Марина Быкова бұл өте ұзақ уақыт екенін атап өтіп, сенаторларға жүрдек маршрутты қайтару туралы өтініш білдірді, деп хабарлайды Altaynews.kz тілшісі.

Шығыс Қазақстанға жұмыс сапарымен келген ҚР Көлік министрі Марат Қарабаев бұл рейс жолаушылар ағынының төмендігіне байланысты тиімсіз болғанын атап өтті. Оның айтуынша, тасымал жүктемесі тек 25 пайызды құраған.

Кездесу барысында ҚР Көлік министрі 450 миллион теңге шығынды субсидиялау немесе осы бағыт бойынша жұмыс істеп тұрған пойыздарда вагондарды ауыстыру мүмкіндігі барын атап өтті.