KZ
Өскемен
+18°
ясно жел 1 м/с, С
475.03 517.21 5.44

Өскеменде учаскелік полиция инспекторы алаяқтықтың алдын алды

22.02.2024, 22:30 91 ALTAINEWS

ШҚО-да облыс орталығының тұрғыны қомақты қаражатынан айырылып қала жаздады, деп хабарлайды Altainews.kz тілшісі.

Өскемен қалалық полиция басқармасының ақпараты бойынша, ер адамға «банк қызметкерінен» қоңырау түскен. Бейтаныс жан оның атына 3 миллион теңге көлемінде шот қойылғанын және оны төлеу үшін банк картасының деректемелерін айтуды сұраған.

Қала тұрғыны алаяқтың талаптарын орындауға дайын болған, бірақ соңғы сәтте күмәнданып, учаскелік полиция инспекторына жүгінген.

Полиция капитаны Тілек Байжұманов ер адамды ешқандай мәлімет бермеуге көндіріп, оған хабарласып, ақшасын алдап алуға тырысқан алаяқтар екенін түсіндірген.

Жедел әрекет еткені үшін қала тұрғыны полицейге алғысын білдірді.

Тәртіп сақшылары тұрғындарды қырағы болуға шақырады.

- Күмәнді адамға ақша аудармаңыз, телефонмен айтылған қосымшаны орнатпаңыз немесе күмәнді сілтемелерге кірмеңіз. Өзіңізді алаяқтық инвестициялық схемаларға тартуға жол бермеңіз, егер сізге «туысыңыз қиындыққа тап болды» деп хабарласқан болса, оған өзіңіз қайтадан қоңырау шалып, бұл алаяқтардың айла-тәсілі екеніне көз жеткізіңіз. Осындай заң бұзушылықтарға тап болған жағдайда 102 арнасына дереу хабарласу қажет, - деп хабарлады Өскемен қалалық полиция басқармасының баспасөз қызметі.



                                                             

 Айжанат Бақытқызы

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив