Өскеменде көмір сатыла бастады
Фото: Altainews.kz
Өскеменде қатты отын сатыла бастады. Қала әкімдігі тұрғындарды ерте қамдануға шақырады, деп хабарлайды Altainews.kz сайты.
Айта кету керек, облыс орталығынан көмірді тек шаhар тұрғындары ғана емес, Глубокое, Ұлан, Самар және т.б. аудандар да алады. Қала басшылығы мен коммуналдық мамандар күз келіп, күн суытқанда кезек көбейіп, дүрбелең басталмас үшін қатты отынды қазірден бастап сатып алуға шақырып отыр.
- Тұйықтарға жеткізіліп жатқан көмірдің сапасы жақсы. Ең бастысы, қазір қоймада қатты отын жеткілікті. Жауапты мамандар халықта хабардар етумен айналысуы керек, - деді Өскемен қаласының әкімі Жақсылық Омар.
Қаладағы тұйық алаңдардың бірінің директоры биыл қатты отынға сұраныс артқанын айтады. Сондықтан алдағы уақытта халықтың қажеттіліктерін қанағаттандыру үшін көмір жеткізу көлемін ұлғайту жұмыстары жүргізілуде.
- Біздің қоймаларда халыққа ыңғайды болу үшін барлық жағдай жасалған. Қазірден бастап еш кезексіз, арзан бағада көмір алып алуға шақырамыз, - деді ол.
Оқи отырыңыз
