KZ
Өскемен
+20°
ясно жел 3 м/с, З
479.05 534.57 5.17

Енді IT пәнінің мұғалімдерін оқытады

Фото: egemen.kz

14.09.2023, 09:30 230

Биыл желтоқсаннан бастап елде IT пәнінің мұғалімдерін оқыта бастайды.

Бұл туралы Цифрлық даму, инновациялар және аэроғарыш өнеркәсібі министрі Бағдат Мусин мәлімдеді, деп хабарлайды Altaynews Қазақпарат агенттігіне сілтеме жасап.

– TechOrda бағдарламасы аясында IT кәсібін игергісі келетін қазақстандықтарға жеке озық IT мектептерде ваучерлік жүйе негізінде білім алу мүмкіндігі қарастырылған. Жоба аясында азаматтар өзінің біліктілігін жетілдіре алады. Мысалы, бүгінде бағдарлама бойынша 2000 адам IT саласын игерді. Олар жалақысы 450 мың теңге болатын жұмысқа орналаса алады. Халықаралық серіктестермен ынтымақтастық та еліміздің адами капиталының дамуына оң ықпалын тигізеді, - деді Бағдат Мусин Үкімет отырысында.

Министрдің айтуынша, оқу курстары халықаралық алып компаниялармен бірлесе әзірленеді.

– Осы бағытта қолдау көрсеткені үшін Ғылым және жоғары білім министрлігіне алғыс білдіремін. Осы трендті жалғастыру үшін биыл 1-ші желтоқсаннан бастап ІТ пәнінің мұғалімдерін оқыту тетігі енгізіледі. Оқу сапасын арттыру үшін жыл соңына дейін ІТ факультеттерге тиісті сапа стандарттарын енгізу жұмыстарын бастадық. Біз Ғылым және жоғары білім министрлігімен бірлесіп, өңірлік оқу орындарындағы IT факультеттеріне тиісті аудит жүргіземіз. Жергілікті әкімдіктер осы жұмыстардың қарқынын арттыру үшін өңірлерде IT жобалау мектептерін қолдап, бизнеспен тығыз жұмыс жүргізуі керек, -дейді ол.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив