АЭС жөніндегі референдум күзде өтеді
Фото: depositphotos.com
Президент Қасым-Жомарт Тоқаев БАҚ саласы қызметкерлерін марапаттау рәсімінде сөйлеген сөзінде елде атом электр стансасын салу жобасы туралы пікір білдірді, деп хабарлайды Altainews.kz тілшісі Kazinform агенттігіне сілтеме жасап.
– Өздеріңіз жақсы білесіздер, экономиканы дамыту үшін тұрақты энергия көзі керек. Сондықтан мен атом электр стансасын салу мәселесін пысықтау туралы нақты тапсырма бердім. Қазір жан-жақты талқылау болып жатыр. Әртүрлі пікір айтылып жатыр. Бұл үдеріске бұқаралық ақпарат құралдары да белсене атсалысуы керек, – деді ол.
Мемлекет басшысының пайымдауынша, елімізде атом энергетикасын дамытуға зор мүмкіндік бар.
– Оны дұрыс, яғни тиімді пайдаланған жөн. Осы мәселеге қатысты соңғы шешімді халық қабылдайды. Референдум биыл күзде өтеді. Үкімет нақты датаны айқындайды, – деді Президент.
Оқи отырыңыз
