2025 жылдың басынан бері елімізде халықтың әлеуметтік осал топтарының құқықтарын қорғау бағытында бірқатар жұмыстар атқарылуда. Әлеуметтік инспекторлар 430 нысанды тексеріп, бірқатар олқылықтарды анықтады. Бұл тексерулердің көбі – жоспардан тыс немесе прокуратура талабы бойынша жүргізілген, деп хабарлайды Altainews.kz тілшісі.

Тексеру барысында анықталған заң бұзушылықтар үшін жалпы 192 ұйғарым беріліп, 28,8 миллион теңгеден астам айыппұл салынды. Бұл – халықтың мүддесін қорғау жолында жүйелі жұмыс жүргізіліп жатқанын білдіреді.

Мемлекеттік бақылау әкімдіктерден бастап, мектеп, балабақша, аурухана, дүкен, вокзал, спорт кешендері мен банктерге дейінгі 430-ға жуық нысанды қамтыды. 

Мемлекет тарапынан бақылау жұмыстары жалғасады. Мамандардың айтуынша, бұл тексерулердің басты мақсаты – жазалау емес, керісінше халыққа қолайлы әрі қауіпсіз орта қалыптастыру.

Дереккөз: Еңбек және халықты әлеуметтік қорғау министрлігі