Су жағасындағы қауіпсіздік: елімізде профилактикалық рейдтер жүргізілуде
Шомылу маусымы қызған тұста еліміздің су айдындарында қауіпсіздікті қамтамасыз етуге бағытталған рейдтер жалғасып жатыр. ҚР ІІМ Ұлттық ұланының әскери қызметшілері су жағасындағы жазатайым оқиғалардың алдын алу үшін кешенді шаралар қабылдауда, деп хабарлайды Altainews.kz тілшісі.
Рейд барысында жаға бойында демалып жүрген тұрғындарға судағы қауіпсіздік ережелері жазылған жадынамалар таратылып, түсіндіру жұмыстары жүргізілуде. Әсіресе, қараусыз жүрген балалар мен жасөспірімдерге ерекше назар аударылып отыр.
— Шомылу маусымында судағы қарапайым қауіпсіздік ережелерін сақтау өте маңызды. Ата-аналар балаларын үнемі бақылауда ұстауы керек. Су ағысы қатты жерлерге баруға, шектеу белгісінен асып жүзуге, сондай-ақ мас күйде суға түсуге болмайды, — дейді рейдке қатысушылар.
Мамандардың айтуынша, мұндай шаралар қайғылы жағдайлардың алдын алуға және халықтың судағы қауіпсіздік туралы хабардарлығын арттыруға бағытталған.
Фото: Қорғаныс министрлігі
Оқи отырыңыз
Еріктілер судағы қауіпсіздік ережелері туралы жадынама таратты – ӨскеменШҚО-да құтқарушылар су айдындарын тексерудеШҚО-да судағы қауіпсіздікті сақтамаған 1581 адам жауапқа тартылды"Өз күшіне сену" ШҚО-да биыл 39 адам суға кеттіШҚО су айдындарында қауіпсіздік күшейтілді: демалушыларды дрондар бақылайды
