13 тамыздан бастап Starlink компаниясы Қазақстанда ресми түрде спутниктік интернет қызметін ұсына бастады. Бұл туралы Цифрлық даму министрлігі мәлімдеді, деп хабарлайды Altainews.kz тілшісі.

Енді қазақстандықтар төмен орбитадағы спутниктер арқылы жоғары жылдамдықты әрі тұрақты интернетке қосыла алады. Мұндай байланыс тіпті ең алыс ауылдар мен қолжетімі қиын өңірлерде де жұмыс істейді.

Министрлік еске салғандай, биыл 12 маусымда Қазақстан мен Starlink компаниясы келісімшартқа қол қойған. Құжатта компанияның ел заңнамасын сақтай отырып қызмет көрсетуі міндеттелген.