Осы жылдың 25 мамырынан бастап Шығыс Қазақстандағы 170 мектептің 141-і "Starlink" жоғары жылдамдықты спутниктік Интернетіне сәтті қосылды. Бүгінгі таңда мұндай байланыс облыстың тағы 29 мектебінде орнатылуда, деп хабарлайды Altainews.kz тілші.

ШҚО білім басқармасының хабарлауынша, 2023 жылы "Республикалық ғарыштық байланыс орталығы" АҚ-мен "Starlink" геостационарлық емес байланыс жүйесі негізінде Интернетке қосылу жөніндегі пилоттық жобаны іске асыру бойынша шартқа қол қойылды.

Айта кетейік, бұл жобаны іске асыру – ШҚО-ның барлық оқушылары үшін білім беру ресурстарына тең қолжетімділікті қамтамасыз ету жолындағы маңызды қадам. Жоғары жылдамдықты Интернет ауыл мектептеріне заманауи білім беру технологиялары мен ресурстарын пайдалануға мүмкіндік береді, бұл білім сапасына оң әсер етеді.