«Жолаушылар тасымалы» АҚ арнайы комиссиялары жолаушылар пойыздарында күнделікті рейдтік тексерістер жүргізіп келеді, деп хабарлайды Altainews.kz тілшісі.

Мақсат – теміржол көлігімен жолаушыларды, багажды және жүк-багажды тасымалдау ережелерін бұзу фактілерін анықтау және алдын алу.

Жаз маусымы басталғалы комиссия шамамен 140 ереже бұзушылықты тіркеді. Оның ішінде билетсіз жол жүрудің 6 дерегі және рәсімделмеген 135 килограмм багаж тасымалдау фактілері бар.

Билетсіз жол жүру жағдайлары «Алматы — Жезқазған», «Қызылорда — Семей», «Өскемен — Алматы», «Астана — Жезқазған», «Ақтоғай — Аягөз» және «Астана — Көкшетау» бағыттардағы пойыздарда анықталды.

Тексеріс қорытындысы бойынша жауапты қызметкерлер тәртіптік жауапкершілікке тартылды. Рейдтер жүйелі түрде барлық бағыттарда жалғаса береді.