Халықаралық мұражай күніне орай ШҚО полиция департаментінде экскурсия өтті. 
Ішкі істер органдары мұражайы аға буын өкілдері қалыптастырған дәстүрлерді жинап, жас буынға жеткізеді. ШҚО ПД мұражайы 2001 жылдың 1 мамырынан бастап қызмет етіп келеді, деп хабарлайды Altaynews тілшісі. 
Мұражайда мекеме қызметінің тарихынан хабар беретін XIX-XX ғасырлардағы тарихи құжаттар мен қару-жарақтар, экспонаттар жинақталған. 
Фотосуреттермен көмкерілген 28 стенд, 284 шынайы артефакт қойылған мұражайды құруға ішкі істер органдарының барлық басқармалары мен бөлімдері атсалысқан. Экспонаттарды ұстап көріп, суретке түсіріп, киімдерді киіп көруге рұқсат берілген.
Атаулы күнге орай биыл Өскемен қалалық полиция басқармасының жас қызметкерлеріне экспедиция ұйымдастырылған.