15 шілдеде Шығыс Қазақстан аумағында аптап ыстық сақталады.

ШҚО ТЖД ауа райына байланысты дауыл туралы ескерту жариялады, деп хабарлайды Altaynews тілшісі.

"Қазгидромет" ШҚ филиалының ақпараты бойынша, 15 шілдеде түнгі уақытта облыстың солтүстігінде, шығысында, ал күндіз басым бөлігінде найзағай болады. Облыстың солтүстігінде, шығысында бұршақ, дауыл, оңтүстігінде шанды дауыл күтіледі. Оңтүстік-шығыстан соғатын жел оңтүстік-батысқа ауысады, желдің күші 15-20 м/с, күндіз екпіні 25 м/с дейін жетуі мүмкін.

Аймақтың басым бөлігінде аптап ыстық әлі де сақталады. Ертең сынап бағаны 35-39 градусты көрсетеді деп болжанып отыр.

Төтенше жағдай қызметі өңірде өрт қаупі жоғары екенін ескертеді.