Өскемен гарнизонының 27943 әскери бөлімінде қызмет ететін әскери қызметшілердің балаларына «Мектепке – жол» акциясы аясында демеушілік көмек көрсетілді.
Банктер мен жауапкершілігі шектеулі серіктестіктер оқу құралдары мен сөмке алуға қаржылай көмек көрсетті, деп хабарлайды Altaynews тілшісі.
– “Мектепке – жол” акцияның мақсаты – оқу жылының басталуына орай көпбалалы отбасылардан шыққан оқушыларға материалдық қолдау көрсету және әлеуметтік жағдайдың әсерінен балалардың мектепке келмеуіне жол бермеу. Біздің әскери құрамның қатарында да көпбалалы отбасылар, жалғызбасты ата-аналар бар. Сондықтан оларға балаларын мектепке дайындауға қол ұшын созу үшін «Мектепке – жол» акциясы аясында демеушілерді көмекке тарттық, – деді 27943 әскери бөлімі командирінің тәрбие және идеологиялық жұмыстар жөніндегі орынбасары Азамат Джумагазиев.