ШҚО Алтай ауданынының тұрғыны орманға саңырауқұлақ теру үшін кетіп, адасып кеткен.

73 жастағы әйелдің баласы полиция бөліміне жүгініп, анасының 2 сағат бұрын орманға кеткенін айтқан, деп хабарлайды Altaynews тілшісі.

Дерекке сүйенсек, полицияға жүгінген азамат әкесін, анасын және оның құрбысын ертіп, саңырауқұлақ теру үшін орманға барған. 2 сағаттан кейін өзгелер бастапқы орынға қайтып келіп 73 жастағы әйел адам оралмағанын білген.

Өздері іздегенімен, таба алмаған олар полицияға хабарласқан. Іздеу жұмыстарына полиция және ТЖД қызметкерлері, еріктілер мен қала тұрғындары кіріскен.  

Таңғы сағат 06.00 шамасында полиция майоры Фархат Кенжебеков әйел адамды тауып, хабар берген.

Әйелдің сөзінше, адасып кеткенде орманнан шығар жолды өзі іздеген. Телефонын өзімен бірге алмаған көрінеді. Алайда, қараңғы түскен кезде көмек күтуді ұйғарған. Қазір зейнеткердің өмірі мен денсаулығына қауіп төніп тұрған жоқ.