Бүгінде ШҚО-дағы 363 елді мекеннің 172-сі немесе халықтың 94,7 пайызы интернет желісіне мобильді кең жолақты қолжетімділікпен қамтамасыз етілген. Бұл туралы облыстық цифрландыру және архивтер басқармасының басшысы Серікхан Нұртазин хабарлады.
2023 жылдың қаңтар мен қыркүйек айлары аралығында халық саны 8 344 адам болатын 20 елді мекеніне кең жолақты интернет желісі тартылыпты. Оның ішінде Тарбағатай ауданының Асусай, сондай-ақ Катонқарағайдың Ақсу сияқты шалғай ауылдары бар, деп хабарлайды Altaynews.kz тілшісі.

Оның айтуынша, бүгінде Өскемен қаласының 19, 20, 21 шағын аудандары сым арқылы жаланған интернетпен қамтамасыз етілген. Алдағы уақытта мұндай жұмыстар 25 шағын ауданда да атқарылмақ. Қазір бұл жөнінде байланыс операторларымен келіссөздер де жүргізілуде.
Белгілі болғандай, биыл Шемонаиха ауданында интернет желісіне кең жолақты қолжетімділік көрсеткіштерін арттыру мақсатында «Ауылдық жерлердегі Интернет» қанатқақты жобасы іске асырыла бастапты.