Шығысқазақстандықтар алдағы екі жыл ішінде сапалы интернетпен толық қамтылатын болады.

2025 жылға дейін азаматтарды сапалы интернетпен 100% қамтамасыз ету жөніндегі міндетті шеше отырып, ағымдағы жылы облыстың 64 ауылын жарақтандыру жоспарланған, деп хабарлайды Altaynews.kz тілшісі.

Бұл туралы ШҚО әкімі Даниал Ахметов мәлімдеді.

Айта кетсек, жыл басынан бері тұрақты интернет 19 елді мекеннің тұрғындары үшін қолжетімді болды. Сондай-ақ құжаттама әзірлеу мен 21 антенна-таратқыш құрылғыларын орнату бойынша жұмыстар жүргізілуде.

Аймақ басшысының айтуынша, жылдың соңына қарай 183 ауыл сапалы Интернетке қосылады (8 Мбит/с және одан жоғары), ал 2025 жылға дейін қалған 174 ауылдық елді мекен қамтамасыз етіледі.