Ресей Өскеменде жаңа ЖЭО салуы мүмкін
Фото: egemen.kz
ҚР Премьер-министрінің орынбасары Серік Жұманғарин Қазақстан мен Ресейдің ХІХ өңіраралық ынтымақтастығы форумының пленарлық отырысында ресейлік тараптың Қазақстанда үш ЖЭО-ның жобасын жүзеге асыруға қатысуы туралы құжаттарға қол қойылатынын айтты. ЖЭО салынатын үш қалаға Көкшетау, Семей және Өскемен кіреді.
Серік Жұманғарин Ресейдің сөзсіз көшбасшы және Қазақстанның негізгі сауда серіктестерінің бірі екенін атап өтті, деп хабарлады Altaynews Zakon.kz сайтына сілтеме жасап.
— Тағы да атап өткім келеді, 2022 жылдың қорытындысы бойынша Қазақстан мен Ресей арасындағы екіжақты тауар айналымы Қазақстанның жалпы тауар айналымының шамамен 20%-ына тең. Биыл қаңтар-тамыз айларында тауар айналымы 17 млрд доллар болды. Былтырғы сәйкес кезеңдегі көрсеткіштерден жоғары. 5 аймаққа Қарағанды, Қостанай, Павлодар, Батыс Қазақстан және Шығыс Қазақстан облыстары кіреді. Олардың Ресеймен тауар айналымы $5,7 млрд болды. Қазақстанның Ресеймен саудасының үштен бірінен астамы шекаралас облыстарға түседі, - деді ол.
Ол сонымен қатар екі ел арасындағы сауда-экономикалық қарым-қатынастардың дамып келе жатқанына тоқталды.
— Ресей тарапының Қазақстандағы үш ЖЭО жобаларын жүзеге асыруға қатысуы туралы тиісті құжатқа бүгін қол қойылады, қол қоямыз деп күтеміз. Біз елдер арасындағы әуе қатынасын кеңейтеміз. Атап айтқанда, QAZAQ AIR әуе компаниясының Новосибирск және Челябі қалаларына ұшатын рейстерінің саны келісілді, - деді Серік Жұманғарин.
Оқи отырыңыз
Қазақстан мен РФ арасындағы тауар айналымы 27 млрд долларға жеттіҚазақстан мен АҚШ арасындағы тауар айналымы 37 пайызға өскенҚазақстан– Әзербайжан тауар айналымы 460 млн доллардан асқанАуғанстанмен арадағы тауар айналымының 90% – қазақстандық экспортҚазақстанның ЕАЭО-мен сауда айналымы азайып келеді
