Ұлан ауданының ауылында медициналық пункт ел игілігіне берілді
Ұлан ауданына қарасты ауылдардың бірінде медициналық пункт ел игілігіне берілді.
Казачье ауылында бой көтерген медициналық мекеменің салтанатты ашылуына ҚР денсаулық сақтау вице-министрі Вячеслав Дудник пен ШҚО денсаулық сақтау басқармасының басшысы Төлеген Жігітаев қатысты, деп хабарлайды Altaynews.kz тілшісі.
Емдеу орнында науқастарға алғашқы медициналық көмек көрсетуге барлық жағдай жасалған. Әзірге мұнда үш қызметкер жұмыс істейді.
Бүгін Казачье ауылында той, тұрғындар бөркін аспанға атып қуанып жатыр. Себебі бұған дейін мұнда медицина мекемесі болмаған. Дәрігерлік амбулаторияның ашылуын халық көптен күтті.
Мемлекет басшысының тапсырмасы бойынша елімізде 300-ге тарта медицина мекемесінің құрылысы жүргізіліп жатыр, соның бесеуі осы Ұлан ауданында салынбақ.
