Аманжолов университетіндегі ғылыми-зерттеу орталығының әлеуеті жоғары
С.Аманжолов атындағы Шығыс Қазақстан университетінде 2018 жылдан «Беттік инженерия және трибология» ғылыми зерттеу орталығы жұмыс істейді.
Мұнда машина бөлшектерінің беріктігін арттыру үшін қорғаныс жабындары жасалып, ресурс үнемдейтін беттік модификация әдісіне негізделген инновациялық технологиялар әзірленеді, деп хабарлайды Altaynews.kz тілшісі.
— Біздің грант ұтқан жобамыздың бірі – машина бөлшектерінің төзімділігін арттыратын электрофрикциялық технология. Бұл технология бойынша ауыл шаруашылығына қажетті жабдықтардың бөлшектерінің төзімділігін арттырамыз. Елімізде қазір осы әдіспен шығарылатын бөлшектер жоқ, — деп түсіндірді аға ғылыми қызметкер Жұлдыз Сағидолдина.
Ғылыми орталықтың қызметкерлері елімізде трибологияның дамуына үлес қосып, жерүсті инженериясы саласына және отандық өнеркәсіпке жаңалық әкелуді мақсат етеді. Мамандар алдағы уақытта зертхананы кеңейтіп, әлемдік стандарттарға сай орталық деңгейіне көтеруді көздеп отыр.
Облыс әкімі ғылыми-зерттеу орталығының әлеуетін жоғары бағалады.
Оқи отырыңыз
