Шығыс Қазақстан облысы әкімінің халық алдындағы есебі барысында өңір басшысы Д.К. Ахметов С. Аманжолов атындағы ШҚУ-дың Абайтану бағдарламасын іске асыру тәжірибесін атап өтті.

ШҚО әкімі Даниал Ахметов Абайдың 175 жылдығына орай өңірде өткізіліп жатқан іс-шаралар туралы айта келе, Шығыс Қазақстан мемлекеттік университеті жанындағы "Абайтану"ғылыми-зерттеу институтын құрылғандығы жайлы сөз етті.

- Университеттің абайтанушы ғалымдары көп жылдар бойы Абай шығармаларын оқып келеді, абайтану бойынша көптеген әдістемелік әдебиеттер шығарылды. "Абайтану" ғылыми-зерттеу институтының құрылуы осы жұмыстың қисынды жалғасы болды, - деп түсіндірді Аманжолов университетінің профессоры Мұхтар Төлеген.