"Қазгидромет" ШҚ филиалы 4 желтоқсанға Шығыс Қазақстан аумағы бойынша синоптикалық жағдайдың болжамымен бөлісіп, дауылды ескерту жариялады. 

Синоптиктердің болжауы бойынша, 4 желтоқсанда Өскемен қаласында жел оңтүстік-батыстан соғып, солтүстік-батысқа ауысады, екпіні 15-20 м/с дейін жетеді. 

- Үйдегі барлық терезелерді мықтап жауып, балкондардан құлап кетуі мүмкін заттарды алып тастау керек. Көшеде билбордтардан, белгілерден, жол белгілерінен, электр желілерінен аулақ болу керек. Сынған әйнектер, сондай-ақ жел соққан шатыр мен ғимарат декорының элементтері қауіп төндіруі мүмкін.  Олардың жанына көлік қоймаңыз.  Төтенше жағдайлар туындаған кезде "112"қоңырау шалыңыздар, - дейді төтеншеліктер.