Қызылша ауруның алдын алу мақсатында екпе егілудің маңызы зор. Ел көлемінде қызылшаға қарсы екпе егу жұмыстары жүріп жатыр. Желтоқсан айының ортасындағы мәлімет бойынша, 608 мыңнан астам адамға қызылшаға қарсы екпе салынған.

Денсаулық сақтау министрлігің мәліметінше, еліміз бойынша жалпы саны 1,5 млн адам қызылшаға қарсы екпе алуы керек. Бұл шара Шығыс Қазақcтан облысының өңірлерінде жалғасып жатыр, деп хабарлайды Altaynews.kz тілшісі.

Денсаулық сақтау министрлігі елдегі қызылша бойынша қолайсыз эпидемиологиялық жағдайды ескере отырып, 5 жасқа дейінгі балалардың ата-аналарына қосымша жаппай иммундау аясында қызылшаға қарсы вакцина алуға, 5 жастан 18 жасқа дейінгі балалардың ата-аналарына қызылшаға қарсы 2 екпе болмаған кезде, профилактикалық екпе егуге кеңес берді.