Шығысқазақстандықтар Мәскеудегі қайғылы оқиғаларға байланысты Ресей азаматтарына көңіл айтады, деп хабарлайды Altainews.kz тілшісі.

Бүгін таңертеңнен бері азаматтар Пермитин көшесінде орналасқан РФ Бас консулдығы ғимаратының маңына гүл шоқтарын қойып, шырақ жақты.

Бүгін консулдық жұмыс істемейді. Ғимарат маңында екі патрульдік полиция кезекшілік етуде.

Гүл шоқтарын қоюға келгендердің арасында ШҚО Қазақстан халқы Ассамблеясы мен этномәдени бірлестіктер өкілдері бейбіт азаматтарға қарсы террористік актіні қатаң айыптайды.

Ертең РФ-да аза тұту күні деп жарияланды.