Былтыр 914 жемқор сотталды
Фото: Ақорда
Былтыр 1 641 жемқорлыққа қатысты қылмыс тіркеліп, жүйелі түрде жемқорлық жасаудың 68 фактісі анықталған. Бұл туралы Сыбайлас жемқорлыққа қарсы іс-қимыл агенттігінің төрағасы Асхат Жұмағали мемлекет басшысына берген есебінде айтты,- деп хабарлайды Altainews.kz тілшісі Ақордаға сілтеме жасап.
Екі ұйымдасқан қылмыстық топтың әрекеті әшкереленіп, сонымен қатар екі топқа үкім шығарылған.
"Сыбайлас жемқорлыққа жол берген 1 493 адам ұсталды. Олардың ішінде түрлі деңгейдегі 229 басшы бар. 914 адам сотталды", – дейді Асхат Жұмағали.
Агенттік 2022 жылдан бері мемлекетке жалпы сомасы 1,12 триллион теңгеге бағаланған мүліктік активтер мен қаражаттың қайтарылуын қамтамасыз еткен. Былтыр сомасы 486,5 миллиард теңге болатын мүліктік активтер мен қаражат қайтарылған.
Оқи отырыңыз
Жемқорлық бойынша сыбайлас жемқорлыққа қарсы қызметтің 5 қызметкері сотталғанБиыл 10 айда жемқорлыққа қатысты 1500-ге жуық қылмыс тіркелгенСыбайлас жемқорлық туралы хабарлағандарға 40,6 млн теңге төленген"ӨКМ операторы" ісі: миллиардтаған ақша тұратын зауыттар мемлекет меншігіне өттіШҚО-ның білім саласында жемқорлық көп пе?
