Шығыс Қазақстан облыстық ауруханасы ортопедия бөлімінің меңгерушісі Думан Бәкербеков Алтай ауданаралық ауруханасының травматологтарына жамбас буынын эндопротездеу бойынша шеберлік сабағын өткізді, деп хабарлайды Altainews.kz тілшісі.

Шеберлік сабағы барысында он жыл бойы коксартрозбен ауырған 47 жастағы ер адамға және жамбас буынының асептикалық некрозына шалдыққан 40 жастағы әйел адамға ота жасалды.

Бірінші отаны Думан Бәкербеков, екіншісін оның басшылығымен Алтай ауданаралық ауруханасы травматология бөлімінің меңгерушісі Әділ Тоқсанбаев жасады. Әділ Жуанханұлы бұған дейін облыстық емханада эндопротездеу бойынша тағылымдамадан өткен. Енді ауданаралық аурухананың дәрігерлері өздері жамбас буындарын протезге алмастыратын болады. Алтай ауруханасы осы отаға қажет құрал-жабдықтарды сатып алған.

Фото: ШҚО ДСБ баспасөз қызметі