Өскемендегі 38 көшенің жолы жөнделеді
Биыл облыста «Жол жылы» деп жарияланған болатын, деп хабарлайды Altainews.kz тілшісі.
«Жол жылы» аясында облыс орталығында 38 жол учаскесінде жөндеу жұмыстары жүргізіледі.
– Өскемен қаласында жол жөндеу жұмыстары басталып кетті. Биыл жыл бойы 38 жол учаскесінде, яғни 38 көшеде жол жөнделеді. Олардың көпшілігі қазірдің өзінде жұмыс істеп жатыр немесе тіпті аяқталуда. Жұрттың көп сынына ұшырайтын Абай даңғылындағы жолдың сапасын Жол активтері сапасының ұлттық орталығымен, сондай-ақ «Әділдік жолы» ҚБ-мен бірге тексердік, – дейді Өскемен қаласының әкімі Жақсылық Омар.
Барлық жұмыс Жол активтері сапасының ұлттық орталығымен, сондай-ақ «Әділдік жолы» ҚБ атынан жұртшылықпен тығыз байланыста құрылған.
Бүкіл процесс барысында асфальттың бақылау сынамаларын алу және сараптау жүргізіледі.
Оқи отырыңыз
