Жол жылы: Өскемен көшелеріне асфальт төселіп жатыр
Облыс орталығында бірнеше учаскеде орташа жол жөндеу жұмыстары басталды.
Жол жұмыстары Қабанбай батыр, Чехов, Нұрмағамбетов көшелерінде қызу жүріп жатыр, деп хабарлайды Altainews.kz тілшісі.
– Дәл қазір Қабанбай батыр көшесінің Новаторлар және Буров аралығындағы бөлігінде жол жөндеу жұмыстары белсенді түрде жүргізіліп жатыр. Бұл магистральдың жөндеуден өтпеген соңғы учаскесі, – деді қала әкімі Жақсылық Омар.
Аталған учаскелердегі жұмыс сапасы «Әділдік жолы» қоғамдық ұйымының өкілдері тексерді.
– Қоғамдық ұйымдар мемлекеттік органдармен тығыз байланыс орнатып, жұмыс істеуге тиіс деп санаймын. Әсіресе, осындай ауқымды жол жөндеу жұмыстары жүргізіліп жатқанда жұмыстың сапасы мен барысын қадағалау маңызды, – деді «Әділдік жолы» РҚБ ШҚ филиалының басшысы Әділ Пшенов.
Оқи отырыңыз
