Өскеменде қай көшелердің жолы жөнделеді? (видео)
Фото: Мерей Қайнарұлы
Биыл ШҚО-да Жол жылы болып жарияланды. Осыған орай облыс орталығында бірқатар көшенің жолы жөнделеді.
Жол жөндеу жұмыстарының бірінші кезеңі басталып та кетті. Бұл кезеңде Өскеменнің 20-дан астам көшесінің және Красина кентіндегі бірнеше көшенің жолына орташа жөндеу жүргізіледі, деп хабарлайды Altainews.kz тілшісі.
Қала әкімінің айтуынша, бірінші кезеңде жөнделетін жолдарға ақша бөлініп, мердігерлер анықталып қойған.
– Биылғы Жол жылы аясында бірқатар көшеге жөндеу жүргіземіз. Жұмысты бастап кеттік. Мердігерлер белгіленді. Атап айтсақ, Абай даңғылының «Дина» базарынан Сограға қарай кететін бөлігі, Үлбі көпірі мен Нұрмағамбетов көшесінің қиылысы, Қайсенов, Крылов көшелері, Красина көшесінің Астана көшесімен қиылысы, Металлург көшесі деп жалғасып кете береді. Алғашқы кезеңде 20-дан астам көшенің және Красина кентіндегі бірнеше көшенің жолына орташа жөндеу жүргізілетін болады, – деді Өскемен қаласының әкімі Жақсылық Омар.
Сонымен қатар биыл қаладағы Новаторлар, Пушкин, Тимофеев, Васильев, Қабанбай батыр, Первомайская, Урожайная, Сарыарқа қатарлы бірнеше көшенің жолы, Қ.Сәтпаев даңғылы мен Көкжал Барақ көшесінің қиылысындағы, №47 мектеп маңындағы жолдар, Шмелов Лог және Красин кентеріндегі бірнеше көшенің жолы жөнделеді.
Оқи отырыңыз
