Асубұлақ жақтағы орманда өрт шыққан ба?
Шартты сурет: cdnstatic.rg.ru
Ұлан ауданынының Асубұлақ кентіндегі орман шаруашылығында өрт шықты, деп хабарлайды Altainews.kz тілшісі.
Біздегі ақпарат бойынша, Қасым Қайсенов кентінің өрт сөндіру бөлімінен 9 тамызда сағат 11:20 кезінде «Асубұлақ орман шаруашылығы» КММ (Приморск орманшылығы) аумағында түтін нүктесі анықталғаны туралы хабарлама түскен. Өрт орнына Асубұлақ орман шаруашылығынан 15 адам мен 3 техника, Асубұлақ кентінің өрт сөндіру бөлімінен 5 адам және 2 автоцистерна жіберілді.
Айта кетсек, аймақ басшылығы өрт қауіпті кезеңде парктер мен ормандардағы қауіпсіздік мәселесін жіті бақылауда ұстап отыр.