Өңірлік кадрлық резервіне іріктеу аяқталуға жақын – ШҚО
Шығыс Қазақстан облысында өңірлік кадр резервіне кандидаттарды іріктеу аяқталуға жақын.
Аталмыш конкурсқа қатысуға 386 адам өтінім беріп, құжат бойынша 295-і алдын ала іріктеуден өтті, деп хабарлайды Altainews.kz сайты.
- Бірінші кезеңге 214 үміткер қатысып, 109 – ы келесі кезеңге өткен. Екінші кезең - жеке қасиеттерін бағалау тестілеуінен 42 үміткер үшінші кезеңге жолдама алды. Бұл - «Құзыреттерді бағалау». Одан 30 адам «Комиссиядағы құрылымдық сұхбатқа» жіберілді, - дейді комиссия мүшелері.
Үміткерлер аймақтық комиссия алдында алдын ала таңдалған салалар бойынша бойынша өз жобаларын ұсынды. Ол берілген критерийлер бойынша бағаланды.
- Мен балалардың дене шынықтыру сабағына қызығушылығын арттыру бағытында жоба дайындадым. Қазіргі таңда өзім М.Әуезов атындағы № 17 мектепте дене шынықтыру пәнінен сабақ беремін. Бұл жоба барлық мектептерде жүзеге асырылса балалар мен жасөспірімдердің денсаулығын жақсаруға өз септігін тигізетініне сенімім мол, - деді үміткер Руслан Израильов.
Айта кету керек, өңірлік кадр резервіне іріктеу жүргізілетін салалық бағыттар айқындалған: индустрия және өнеркәсіп, экономика және қаржы, әлеуметтік сала, тұрғын-үй коммуналдық шаруашылық және инфрақұрылым, агроөнеркәсіптік кешен және жер қатынастары, цифрландыру, экология. Резервке іріктеу бес кезеңнен тұрады.
Іріктеу қорытындысы бойынша 20 адам резервке алынады.
Фото: Нелли Петенева
Оқи отырыңыз
