Шығыс Қазақстан облыстық  көпсалалы  онкология және хирургия орталығында бас және мойын ісіктерін ерте диагностикалау және алдын алу бойынша ашық есік күні өтеді, деп хабарлайды Altainews.kz тілшісі.

Бұл күні шығысқазақстандықтар МӘМС жүйесіндегі мәртебесіне қарамастан орталықтың жетекші мамандарынан  тегін кеңес ала алады. Өзіңізбен бірге тек жеке куәлігіңіз болса жеткілікті, учаскелік дәрігерден ешқандай жолдама қажет емес. 
"Онкологиялық орталықтың емханасында жөндеу жұмыстары жүріп жатқанына байланысты ашық есік күні стационарда өтеді", - деп хабарлады орталықта.

Мекенжайы: Өскемен қ, Потанин көшесі, 6, 2-корпус, артқы жақтағы есіктен кіру.
Байланыс нөмірлері: +7(7232) 48-91-51, +7 778 003-78-45.

                                                                                                                                                           Айна Ескенқызы