Шығыс Қазақстан облысында медицина қызметкерлерінің кәсіби жауапкершілігін сақтандыруды енгізу бойынша семинар өтіп жатыр. Білім курсында бұл жаңашылдықтың практикалық мәселелері талқыланады, деп хабарлайды Altainews.kz тілшісі.

Біздің  медицина мамандарына кәсіби жауапкершілікті сақтандыруға қатысты қажетті білім мен дағдыларды игеруге мүмкіндік беретін оқу курсын Семей медицина университетінің оқытушылары жүргізуде.

Медицина қызметкерлерінің кәсіби жауапкершілігін сақтандыру – медициналық қызметтердің сапасын жақсартуға және пациенттердің де, медицина қызметкерлерінің де құқықтарын қорғауға бағытталған маңызды қадам. Денсаулық сақтау министрлігі бекіткен жаңа бұйрық 2024 жылдың 23 қазанында күшіне енеді. Оны іске асыру медициналық сақтандыру саласындағы мамандарды байыпты даярлауды талап етеді.

Жаңа ережелерді енгізуге дайындық аясында жүргізіліп отырған бескүндік оқуға Шығыс Қазақстан облыстық фтизиопульмонологиялық орталықтың жетекші мамандары біркісідей қатысуда. Олардың ішінде бас дәрігері Райфа Сафиоллинова, стационарлық қызмет басшысы Болатбек Елшібеков, медициналық қызметтер сапасы мен пациенттердің қауіпсіздігін бақылау қызметінің басшысы Бақытгүл Жұмашова, медбике Дана Мамиева, Ақжар ауылындағы бөлімнің меңгерушісі Айжан Омарбекова, мемлекеттік сатып алу және құқықтық қамтамасыз ету бөлімінің басшысы Ольга Стародубцева, фтизиатр дәрігер Нұрила Сұраужанова бар.