«Shygys CUP» республикалық пікірсайыс турнирінің жеңімпаздары анықталды
Айжанат Бақытқызы
Бүгін Өскемен қаласында өткен «Shygys CUP» республикалық пікірсайыс турнирінің жеңімпаздары марапатталды, деп хабарлайды Altainews.kz тілшісі.
16-17 қарашада Дәулет Серікбаев атындағы Шығыс Қазақстан техникалық университетінде өткен «Shygys CUP - 2024» республикалық пікірсайыс турнирі өз мәресіне жетті.
Пікірсайыс турниріне республикалық маңызы бар Астана, Алматы, Шымкент қалаларының және Абай, Павлодар, Алматы, Қарағанды, Қызылорда, Шығыс Қазақстан облыстарының қазақ тілінде 24 және орыс тілінде 12 фракциясынан 70-тен астам пікірсайысшылары қатысты.
Пікірсайыс турнирінің бас демеушісі «Казцинк» жауапкершілігі шектеулі серіктестігі.
Турнирдің мақсаты – қоғамда болып жатқан мәселелерді қоғамдық талқылау және талдау арқылы жастардың әлеуметтік және шығармашылық белсенділігін арттыру.
Облыс әкімінің орынбасары Ербол Нұрғалиев және «Казцинк» ЖШС-нің әкімшілік мәселелер жөніндегі басқарушы директоры Андрей Лазарев пікірсайыс турнирінің жеңімпаздарын дипломдармен және бағалы сыйлықтармен марапаттады.
Жеңімпаздарға APPLE MacBook Air ноутбуктері, турнир финалистеріне APPLE Watch SE GPS смарт сағаттары және «Үздік спикер», «Үздік төреші» номинацияларының иегерлеріне Yandex Smart Speaker динамиктері табысталды.
«Shygys CUP – 2024» республикалық пікірсайыс турнирінің жеңімпаздары:
- «Үздік төреші» - Ерболат Талғар
- «Лучший судья» - Хабибуллина Диана
- «Үздік спикер» - Исахан Нұрбақыт
- «Лучший спикер» - Бауыржанқызы Дильназ
Қазақ тіліндегі фракциялар бойынша:
- Пікірсайыс турнирінің финалисті - «Тұмар» фракциясы (Алматы қаласы)
- Пікірсайыс турнирінің финалисті - «Әлкей Марғұлан» фракциясы (Павлодар облысы)
- Пікірсайыс турнирінің финалисті - «Тайна Коко» фракциясы (Семей қаласы)
- Пікірсайыс турнирінің жеңімпазы - «Шоқан Уалиханов» фракциясы (Абай облысы)
Орыс тіліндегі фракциялар бойынша:
- Пікірсайыс турнирінің финалисті - «The cat in the hat» фракциясы (Астана қаласы)
- Пікірсайыс турнирінің финалисті - «Oskemen» фракциясы (Қарағанды облысы)
- Пікірсайыс турнирінің финалисті - «Академ» фракциясы (Қарағанды облысы)
- Пікірсайыс турнирінің жеңімпазы - «Андрей Рублев» фракциясы (Абай облысы).
