– Демалыс күндеріндегі жәрмеңкелерге жиі келуге тырысамыз. Мұнда әрдайым сапалы ет, сүт өнімдері, балық табуға болады. Алтай қаласының тұрғындары үшін жәрмеңкеге келуге ауа райы да, ерте тұру да кедергі емес. Біз отбасымызбен бүгін таңғы жетіде осында болдық, – деп бөлісті қала тұрғыны Татьяна Проскурякова.

– Біздің ауданда сенбі күндері дәстүрлі түрде ауыл шаруашылығы жәрмеңкелері ұйымдастырылады. Олар тек Алтай қаласында ғана емес, сонымен қатар Серебрянск қаласында және Жаңа Бұқтырма кентінде де өткізіледі. Мұндай жәрмеңкелер біз үшін өте маңызды. Тікелей сауда сатып алушылар мен сатушылар үшін де тиімді. Бірі дүкеннен арзан әрі сапалы өнім алса, екіншісі өз өнімін делдалсыз сата алады. Бұған қоса, қалада әлеуметтік дүкендер де бар. Жәрмеңкелерде тек сауда ғана емес, концерттік бағдарламалар да өтеді, – деді ауыл шаруашылығы бөлімінің басшысы А.М. Құттыбаева.

– Бүгін керемет күн болды, мен балық өнімдерін сатып алдым, оның түрлері өте көп. Сонымен қатар Жаңа жылға бір килограммы 3000 теңгеден қаз етін сатып алдым. Бұл өте қолайлы баға. Барша жерлестерімді келе жатқан Жаңа жылмен құттықтаймын! Елге бейбітшілік пен өркендеу тілеймін, – деді қала тұрғыны Алексей Богатырев.