Қазақстандық дзюдошы, Олимпиада чемпионы Елдос Сметов "IJF Judo Awards" сыйлығының "Жылдың үздік дзюдошысы" номинациясы бойынша үздік үштіктің қатарына кірді.

Көрермендердің онлайн дауыс беру нәтижесінде шорт-параққа үш спортшы іріктелді. Олардың қатарында Елдос Сметовпен бірге азербайжандық Хидаят Гейдаров (Қарағандыда дүниеге келген) және грузин спортшысы Лаша Бекаури бар.

Жеңімпазды Халықаралық дзюдо федерациясының (IJF) сарапшылар комиссиясы анықтайды. Марапаттау рәсімі 1-2 ақпан күндері Париждегі Grand Slam турнирі барысында өтеді.