Қазақстан құрамасы Универсиада-2025 ойындарын табысты аяқтап, өз тарихындағы үздік нәтижелердің біріне қол жеткізді. Жарыстың соңғы күнінде ерлер арасындағы шорт-трек эстафетасында қазақстандық спортшылар қола медаль жеңіп алды,- деп хабарлайды Altainews.kz тілшісі.

Қазақстан құрамасының жетістіктері:

• 3 алтын медаль;
• 4 күміс медаль;
• 7 қола медаль.

Барлығы 14 медаль еншілеген қазақстандықтар жалпы есеп бойынша 12-орынға ие болды. Бұл рейтингте Франция 18 алтын медальмен көш бастады. Алайда, жүлделер саны бойынша Қазақстан үздік 7 елдің қатарына кірді.

Ең үздік нәтиже Алматы-2017 Универсиадасында тіркелген болатын, онда ұлттық студенттік құрам 36 медаль жеңіп алған.

Келесі қысқы Универсиада екі жылдан кейін өтеді. Жарысты ұйымдастыратын ел әлі анықталмағанымен, бұл турнирді Алматы қаласы қайта қабылдауы мүмкін деген болжамдар бар.