Өскемен қаласындағы «Көктем» тұрғын үй кешенінде толық емес және мүмкіндігі шектеулі балаларды тәрбиелеп отырған отбасыларға пәтер кілті салтанатты түрде табысталды. Аппақ қар жапалақтап, аспаннан нұр жауған шуақты күні баспаналы болған жандардың қуанышында шек жоқ, деп хабарлайды Altainews.kz тілшісі.  

Ұзақ жылдар бойы үй кезегінде тұрған өскемендіктерді қала әкімі Алмат Ақышов құттықтап, ақжарма тілегін жеткізді.  

Қала басшысы биыл 200 отбасыға пәтер берілетінін, келесі жылы да бұл көрсеткіш кемімейтінін атап өтті.  

Өскемен қаласындағы «Халифа Алтай» мешітін он жыл басқарған Ермек қажы Мұқатаев жуырда Қазақстан мұсылмандары діни басқармасы төрағасының орынбасары, наиб мүфти болып тағайындалған еді. Қоныс той иелерін арнайы құттықтаған ол:  

Баспаналы болған бақытты жандардың бірі – 17 жыл кезекте тұрған, бірінші топтағы мүгедектігі бар ұлын тәрбиелеп отырған Сағымгүл Байжұманова.  

Кең әрі жарық екі бөлмелі пәтерге толық жөндеу жұмыстары жүргізілген. Қала әкімі жаңа баспана иелеріне кілем мен тұрмыстық техника сыйлап, үйлерінде әрдайым шаттық орнасын деген ізгі тілегін білдірді. 

Айна Ескенқызы

Фото: Аяужан Утеулинова

Видео: Ермек Жиенбеков