Энергетика вице-министрі: Риддерге жаңа ЖЭО салудың қажеті жоқ
Энергетика вице-министрі Сұңғат Есімханов неліктен Риддерде жаңа жылу электр орталығын салудың орнына қолданыстағы станцияны жаңғырту туралы шешім қабылданғанын түсіндірді, деп хабарлайды Altainews.kz тілшісі.
29 наурызда вице-министр Сұңғат Есімханов Риддерде қала тұрғындарымен кездесті. Жергілікті халық одан жаңа ЖЭО салу жоспарда бар ма деп сұрады.
Еске салсақ, 2022-2023 жылғы қыс мезгілінде станцияда орын алған бірнеше ақау салдарынан он мыңдаған отбасы жылусыз қалған еді. Қалада төтенше жағдай режимі жарияланған.
– Менің ойымша, Риддерде жаңа ЖЭО салудың қажеті жоқ. Бұл – өте қымбат жоба. Оның құны тарифке ауыртпалық түсіреді. Сондықтан біздің жоспарымыз – әкімдікпен және станция иелерімен бірге қолданыстағы нысанның экономикалық жағдайын жақсарту, – деді вице-министр.
Осылайша, жылу электр орталығын одан әрі жаңғырту және құрылғылардың тозу деңгейін төмендету үшін қаражат бөлінеді.
Елизавета Седых
Фото: Евгений Щетников
Оқи отырыңыз
